सत्यशोधक अण्णाभाऊ साठे जयंतीनिमित्त गेवराईत क्रांती मशाल मार्च

गेवराई – दि. २८  ( वार्ताहार ) सत्यशोधक साहित्यरत्न अण्णा भाऊ साठे यांच्या जयंतीनिमित्त १ ऑगस्ट रोजी  संविधान अधिकार मोर्चा समन्वय समितीच्या वतीने डॉ. बाबासाहेब आंबेडकर चौकातून लोकशाहीर अण्णा भाऊ साठे चौकापर्यंत क्रांती मशाल मार्च काढून सत्यशोधक साहित्यरत्न  अण्णाभाऊ साठे यांना अभिवादन करण्यात येणार आहे असे समन्वय समितीच्या वतीने प्रकाश भोले यांनी प्रसिद्धी पत्रकातून जाहीर केले आहे.

     बुधवारी दिनांक २६ जुलै २०२३ रोजी संविधान अधिकार मोर्चाच्या समन्वय समितीच्या बैठकीमध्ये संविधान अधिकार मोर्चाच्या मागील कामाचा आढावा घेऊन सत्यशोधक साहित्यरत्न अण्णा भाऊ साठे यांच्या जयंतीनिमित्त गेवराई शहरांमध्ये डॉक्टर बाबासाहेब आंबेडकर चौकातून अण्णा भाऊ साठे चौकात पर्यंत “क्रांती मशाल मार्च” काढून साहित्यरत्न अण्णा भाऊ साठे यांना अभिवादन करण्याच्या कार्यक्रमाविषयी चर्चा झाली. उपस्थित सर्व कार्यकर्त्यांनी या कार्यक्रमाविषयी सहमती दर्शविली असून हा कार्यक्रम यशस्वी करण्यासाठी यावेळी नियोजन करण्यात आले.

       १ ऑगस्ट २०२३ रोजी सकाळी नऊ वाजता डॉ. बाबासाहेब आंबेडकर चौकामध्ये सत्यशोधक साहित्यरत्न आण्णा भाऊ साठे यांच्या प्रतिमेस अभिवादन करून क्रांती मशाल मार्च सुरू होणार आहे.या बैठकीसाठी संविधान अधिकार मोर्चाच्या समन्वय समितीतील पदाधिकारी प्रकाश भोले, ॲड. सुभाष निकम, कडुदास कांबळे, ॲड बाळासाहेब घोक्षे, ॲड. भगवान कांडेकर, महेश सौंदरमल, भरत सौंदरमल, शिवाजी डोंगरे, रमेश कांडेकर, धम्मपाल कांडेकर,संजय सुतार, अर्जुन सुतार, रवींद्र पाटोळे, ॲड गौतम कांडेकर, विकास गायकवाड, शेख बशीर प्रामुख्याने उपस्थित होते.

        १ ऑगस्ट २०२३ रोजी सकाळी ९: वाजता डॉ. बाबासाहेब आंबेडकर चौकामध्ये साहित्यरत्न आण्णा भाऊ साठे प्रतिमेस अभिवादन करून क्रांती मशाल मार्च सुरू होणार आहे. तेव्हा  गेवराई शहरातील सामाजिक संस्था, संघटनांच्या प्रतिनिधींनी आणि कार्यकर्त्यांनी डॉ. बाबासाहेब आंबेडकर चौकामध्ये सकाळी ९ : वाजता उपस्थित राहावे असे आवाहन संविधान अधिकार मोर्चाच्या समन्वय समितीच्या वतीने करण्यात आले आहे.