नवी दिल्ली दि २ ( वृत्तसेवा ) डिजिटल मिडियातील पत्रकारांसाठी एक दिलासादायक आणि आनंदाची बातमी आहे.. सूचना आणि प्रसारण मंत्रालयाने डिजिटल मिडियातील पत्रकारांना अधिस्वीकृती पत्रिका द्यायला सुरूवात केली आहे.. मनी कंट्रोल डॉट कॉम या युट्यूब चॅनलच्या सहसंपादक सुमी दत्ता याच्या पहिल्या मानकरी ठरल्या आहेत.
डिजिटल मिडियातील पत्रकारांना अधिस्वीकृती देण्याबाबत पीआयबीने ७ फेब्रुवारी २०२२ रोजी एक नियमावली तयार केली.. त्या नियमावलीचा आधार घेत सुमी दत्ता यांनी अधिस्वीकृतीसाठी अर्ज केला होता.. २२ सप्टेंबर रोजी झालेल्या बैठकीत सुमी दत्ता यांचा अर्ज मंजूर केला गेला.. आता त्यांना अधिस्वीकृती मिळाली आहे. महाराष्ट्रात देखील डिजिटल मिडियातील पत्रकारांना अधिस्वीकृती देण्यासाठी नियमावली तयार करावी आणि डिजिटल मिडियातील पत्रकारांना अधिस्वीकृती दिली जावी अशी मागणी मराठी पत्रकार परिषदेने यापुर्वीच केली आहे.. पीआयबीच्या नियमांचा हवाला देत मराठी पत्रकार परिषद आणि डिजिटल मिडिया परिषद आता त्याचा पाठपुरावा करत राहतील.. नव्या बदलाला आज विरोध होत असला तरी सर्वांनाच हे बदल स्वीकारावे लागतील.. डिजिटल मिडियातील पत्रकारांना संघटीत करून त्यांचे प्रश्न सोडविण्यासाठी मराठी पत्रकार परिषदेने डिजिटल मिडिया परिषद हे नवं व्यासपीठ उपलब्ध करून दिलं आहे..
