भविष्यात या टिपरे महोत्सवाला व्यापक स्वरूप देण्यात येणार – आ. विजयसिंह पंडित

शारदा प्रतिष्ठान आयोजित टिपरे महोत्सवाला उत्स्फूर्त प्रतिसाद

गेवराई दि. 30 ( वार्ताहार ) गेवराई विधानसभा मतदारसंघातील मायबाप जनतेने मला आशिर्वाद देऊन विधानसभेत काम करण्याची संधी दिली, त्यामुळे माझी जबाबदारी वाढली आहे. केवळ राजकारण न करता टिपरे महोत्सवा बरोबरच विविध उपक्रम राबवून गेवराईची संकृती जतन करण्याचे काम करण्यात येत आहे.भविष्यात या टिपरे महोत्सवाला व्यापक स्वरूप देण्यात येणार आहे असे प्रतिपादन महोत्सवाचे आयोजक आ. विजयसिंह पंडित यांनी केले. शारदा प्रतिष्ठान आयोजित टिपरे महोत्सवाचा शुभारंभ करताना ते बोलत होते.

गेवराई विधानसभा मतदारसंघाचे लोकप्रिय आमदार विजयसिंह पंडित यांच्या मार्गदर्शनाखाली शारदा प्रतिष्ठान आयोजित टिपरे महोत्सवाचे उद्घाटन बुधवार दिनांक ३० जुलै रोजी मोठ्या उत्साहात करण्यात आले. यावेळी व्यासपीठावर शिवशारदा मल्टीस्टेटचे संस्थापक अध्यक्ष जयसिंग पंडित, नगर परिषदेचे मुख्य कार्यकारी अधिकारी विक्रम मांडुरके, नायब तहसीलदार सोनवणे, उपविभागीय पोलिस अधिकारी निरज राजगुरु, पोलिस निरीक्षक संतोषकुमार बांगर, सहायक पोलिस निरीक्षक संतोष जंजाळ, सहायक पोलिस निरीक्षक कोटकर, युवानेते पृथ्वीराज पंडित, शारदा स्पोर्ट्स ॲकडमीचे अध्यक्ष रणवीर पंडित, रिपाईचे किशोर कांडेकर, सावता परिषदेचे तालुकाध्यक्ष दादासाहेब चौधरी, यांच्यासह परिक्षक सर्वश्री ॲड. सुभाष निकम, विलास सोनवणे, प्रशांत रुईकर, विष्णूप्रसाद खेत्रे, प्रकाश भुते यांच्यासह पदाधिकारी व कार्यकर्ते आणि संयोजन समितीचे सदस्य उपस्थित होते.

महाराष्ट्रात प्रसिद्ध असलेला गेवराई येथील पारंपरिक टिपरी आणि सोंग महोत्सव हा सांस्कृतिक वारसा सक्षमपणे चालविण्यासाठी व ही परंपरा जतन करून टिपरे व सोंग या कलेला प्रोत्साहन मिळावे यासाठी आ. विजयसिंह पंडित यांनी शारदा प्रतिष्ठानच्या माध्यमातून शहरातील ज्येष्ठ रंगकर्मी आणि तरुण कलावंताना सोबत घेऊन बुधवार दि. ३० जुलै रोजी सायं ६ वाजता बाजारतळ, गेवराई येथे टिपरे आणि सोंगस्पर्धेचे भव्यदिव्य आयोजन केले होते. विजयसिंह पंडित यांनी शिस्तबद्ध नियोजन करून हा टिपरे महोत्सव यशस्वी केला. टिपरे महोत्सवात गेवराई शहरातील महिलांसाठी भोलोबा (फेर) गित आणि नागमंत्री स्पर्धेचेही आयोजन करण्यात आले होते. नागपंचमीच्या दुसऱ्या दिवशी टिपरे महोत्सव पाहण्यासाठी गेवराई शहरातील लहान मुले, मुली, महिला, तरुण आणि वयोवृद्ध जनतेने उत्सफुर्त गर्दी केली होती. सायंकाळी सात वाजता स्पर्धेचा शुभारंभ मान्यवरांच्या उपस्थिती करण्यात आला.
यावेळी ॲड सुभाष निकम यांनी स्पर्धेचे नियम आणि सुचनांची परिक्षक सुभाष निकम यांनी माहिती दिली. आ. विजयसिंह पंडित यांनी हा टिपरे महोत्सवात सातत्य राखून आयोजन केल्यामुळे कलाकारांना उर्जा मिळाली आहे. शारदा प्रतिष्ठानच्या वतीने हा टिपरे महोत्सव गेल्या अनेक वर्षांपासून अतिशय शिस्तबद्ध पद्धतीने आयोजित करण्यात येत आहे. टिपरे स्पर्धेत ११ संघ तर भोलोबा स्पर्धेत ६ संघ आणि नागमंत्री स्पर्धत दोन सघ सहभागी झाले अशी माहिती त्यांनी दिली. टिपरे स्पर्धेची सुरुवात शिवनेरी संघाने केली. यावेळी विविध मान्यवर आणि पदाधिकारी कार्यकर्ते, महिला, पुरुष, नागरिक मोठ्या संख्येने उपस्थित होते.