राक्षसभूवन च्या वाळू माफियांनी 300 ब्रास वाळू चोरली

चकलांबा पोलिसांत दहा ते बारा माफिया विरूद्ध गून्हा दाखल

गेवराई दि 14 ( वार्ताहार ) तालुक्यातील राक्षसभूवन परिसरात गणपती मंदिर परिसरात महसूल प्रशासनाने 300 ब्रास वाळू जप्त करण्यात आली होती तसेच ती वाळू दहा ते बारा आज्ञात वाळू माफियांनी चोरली आहे या प्रकरणी चकलांबा पोलिसांत गून्हा दाखल करण्यात आला आहे.

याबाबद सविस्तर माहिती अशी की,चकलांबा पोलिस ठाणे अंतर्गत वाळू माफियांनी मोठ्या प्रमाणात हौदोस घातला असतांना आतातर जप्त वाळूसाठ्यावर वाळू चोरट्यांनी डल्ला मारला असल्याची गंभीर बाब समोर आली आहे तसेच राक्षसभूवन गणपती मंदिर परिसरात लोडर,केणी,ट्रॅक्टर,च्या साह्याने वाळू माफियांनी यावर हातसाफ केला आहे तसेच तहसिलदार संदिप खोमणे यांच्या मार्गदर्शनाखाली महसूलच्या पथकाने परिसरात पाहणी केल्यानंतर ही बाब महसूलचे प्रमुख तहसिलदार संदिप खोमणे यांना कळवली तसेच त्यांनी तात्काळ गून्हा दाखल करण्याचे आदेश दिले त्यानंतर राक्षसभूवन सज्जाचे अतिरीक्त तलाठी गोंविद ढाकणे यांनी याबाबद चकलांबा पोलिसांत फिर्याद दाखल केली असून पुढील तपास चकलांबा पोलिस करत आहेत.तसेच या प्रकरणी 1 लाख 80 हजाराचा मुद्देमाल वाळू चोरांनी चोरला आहे.