कोतवाल भरती अर्ज स्विकारण्याची मुदत वाढली

बीड दि 18 ( वार्ताहार ) कोतवाल भरती प्रक्रिया – 2023 च्या अनुषंगाने कालबद्ध कार्यक्रम निश्चित करण्यात आला असून सर्व तालुक्यांच्या जाहिराती प्रसिद्ध करण्यात आलेल्या आहेत. सदर जाहिरातीमध्ये अर्ज दाखल करण्याचा शेवटचा दिनांक 18/08/2023 हा नमूद करण्यात आलेला आहे.

तसेच कोतवाल भरती प्रकियेच्या अर्जासोबत राष्ट्रीयकृत बँकेचा धनादेश खुल्या प्रवर्गासाठी रु.500/- व मागास प्रवर्गासाठी रु.400/- परीक्षा शुल्क म्हणून सादर करणेबाबत जाहिरातीद्वारे कळविण्यात आलेले आहे. तथापि, बँकेच्या कार्यालयीन कामकाजाचे दिवस व या महिन्यात आलेल्या शासकीय सुट्टया यामुळे उमदेवारांना डी.डी. (धनाकर्ष ) काढण्यास अडचणी येत असल्याचे निदर्शनास आल्याने अर्ज दाखल करण्याची मुदत दि. 23/08/2023 पर्यंत वाढविण्यात येत आहे. दि. 19/08/2023, दि. 21/08/2023, दि. 22/08/2023 व दि. 23/08/2023 या दिवशी अर्ज संबंधित तहसील कार्यालयात स्वीकारण्यात येतील. त्याचबरोबर अर्ज स्वीकारण्याच्या तारखेत झालेल्या बदलामुळे पात्र / अपात्र उमेदवारांची यादी दि. 22/08/2023 ऐवजी दि.24/08/2023 रोजी संबंधित तहसील कार्यालयाचे तसेच संबंधित उपविभागीय अधिकारी कार्यालयाचे नोटीस बोर्डावर व जिल्हाधिकारी कार्यालयाचे अधिकृत संकेतस्थळ https://beed.gov.in यावर प्रसिद्ध करण्यात येईल अशी माहिती जिल्हा प्रशासनाच्या वतिने देण्यात आली आहे .