बीड:दि ८ ( वार्ताहार ) तालुक्यातील अवैध गर्भपात प्रकरणात आरोपी असलेल्या एका महिलेने पाली येथील तलावात आत्महत्या केली आहे. या घटनेने सर्वत्र खळबळ माजली आहे. सीमा सुरेश डोंगरे हे आत्महत्या केलेल्या महिलेचे नाव आहे. सीमा सिस्टर नावाच्या महिलेवर अवैध गर्भपात प्रकरणात गुन्हा दाखल झाला होता. बुधवारी पहाटे सदर महिलेवर गुन्हा दाखल झाल्यानंतर आज सकाळी पाली येथील तलावात सिमा डोंगरे या महिलेचे शव आढळले. ती बीडच्या डीपीरोड भागातील रहिवासी होती. काही महिन्यांपूर्वी पर्यंत ती नर्सचे काम करीत होती.

या बाबत सविस्तर माहिती अशी की , पिंपळणेर पोलिस ठाण्यात गुन्हा दाखल झाल्यानंतर बीड पोलिसांनी या अवैध गर्भपात प्रकरणातील रॅकेटचा पर्दा फाश केला आहे अद्याप तरी या प्रकरणी मुख्य सुत्रधार पोलिसांच्या हाती लागलेला नाही परंंतू बीड पोलिसांनी या प्रकरणाशी संबंधीत असनाऱ्या अंगणवाडी सेविका मनिषा सानप हिला गेवराई येथून राहत्या घरातून अटक केली होती तिच्या घरात पोलिसांना छडती दरम्यान तिस लाखांचे घबाड सापडले होते यातच आज सकाळी बीड पोलिसांची टीम सीमा नावाच्या नर्सचा शोध घेत होती परंतू तिला अटक करण्यापुर्वीच पाली येथील तलावात सीमाचा मृत्यूदेह आढळून आल्याने मोठी खळबळ उडाली आहे .